Congopage

Bandeko,

Matanga ekozala mokolo nini? Namoni solo Forum Lingala ekufi. Nandimi te 'te ekosekwa lisusu.

Ezalaki liboso likambo ya kitoko na masolo ebele mpo na bato balingi koyekola lingala. Kasi kala wana ebongwana kaka esika mpo na bato kotuna maloba ya nzembo to mpe kobongola mwa maloba mpo na balingami na bango ya Congo.

Tokunda forum mpe etikala kaka service de traduction mpo na baoyo balingi koyekola lingala te, balingi kosolola na lingala te, balingi kaka koyeba mwa maloba ya nzembo to kosepelisa molingami nde bakei na bango. Mpo na baoyo balingi koyekola lingala, eloko ezali lisusu mpenza te. Etikali kaka tosala matanga.

Mawa ! Ya solo, la vie ne tient qu'à un fil. Motivation ezali eloko ya makasi. Balobaka "motivation" ndenge nini na lingala ?

Mère Evé :
"Motivation" ekokí kozala "likémbisi" engebene Kawata. Nayébí sókí bato míngi balobaka yangó té. Nakútí ndakisa ya maloba na yangó té.

Natondi yo, Moyogo !

Nazali mpe na liloba mosusu nalingi kotuna bino soki boyokaka yango ndenge nini : sakola. Nasi nayebi yango, kasi nalingi koyeba soki bakoyoka yango ndenge mosusu…

Mama Evé, na yebi te, kasi ebongi to sakola mpo na ko sekuisa esika oyo lokola Eloko a lobi ya ngo. Matanga ezali te mpo ebembe ezali te. To sakola mpo esika owo ezonga lokola ezalaki.

B. Alice

Lingala na yo e zo kende na mode ya Océan !

nakokaki kokoma kombo ya mboka wana te mbala mibale (loboko ebeti libaku, na sepeli penza mpo na libaku ya ngo) ezali lokola ko miseka ngai moko. Lokola bato banso ba yebi nini na lingaki na loba, eleka kaka bongo.

Ya solo penza (é yemba Wendo to Adou Elenga) OYO mboka té...

Ndeko Eloko ozali wapi ?

Kasi tolobaki te ebongi to sekuisa esika oyo. Boni olimwe na yo boye? Olingi kaka tosala matanga ? Tê, ezali likanisi moko ya mabe. Yaka kokabela biso makoki ma yo. Na moni te ozali na nguya ya kosala te esika owo ezongela bomoyi na ye. Yaka ndeko to mipesana maboko mpo monoko na biso ezala na esika na ye na kati ya CP.